港隊（圖）上月贏咗首屆粵港盃籃球賽，籃總噚日就喺尖沙嘴設慶功宴，慰勞一班港隊功臣，粵港盃港隊領隊兼標準流浪班主莫耀強仲自掏腰包，拎咗50,000蚊出嚟做獎金鼓勵球員㖭！粵港盃首回合俾對手手踭撞爆嘴嘅李琪，事後縫咗14針；已經好番復操嘅佢話，今個禮拜六打港澳埠際賽，對手近幾年實力都有所提升，加上冇咗南華嘅惠龍兒助陣，實力始終會差啲。香港男、女子隊禮拜六就會到澳門塔石體育館打港澳埠際賽。