「逝去感情如何留得住」，捷克門將施治今季由車路士轉投阿仙奴後都算順風順水，上仗連番撲救下幫兵工廠1:0擊敗紐卡素，繼續保榜首。施治亦都好努力斬斷同車路士嘅關係，日前就將個人IG有關車仔嘅相刪除，淨係留番阿仙奴時期同其他生活照（圖），有球迷就留言鬧施治不近人情，畢竟都喺車仔踢咗11季，但同時就有人撐佢，仲留言話：「如果你有新女友，你都唔留住舊女友相啦。」