10歲生日，香港迪士尼樂園賣大包同市民一齊HAPPY！樂園宣佈，香港遊客只需畀589元，選購「食買玩」優惠，就可以喺指定期間暢遊樂園兩次，享受唔同嘅優惠同體驗。（八方覺得迪士尼幾有心，如果票價多100蚊，成件事可能冇咁本土、變得大陸化咯！）
都係放低689，講番正題先！嗱，第一次入園可以欣賞嘅，包括全新推出嘅百老匯式音樂劇《迪士尼魔法書房》，以及加入嶄新影像投影技術嘅「星夢奇緣」煙花表演等。第二次入場就可以同《大英雄聯盟》嘅醫神同《小公主蘇菲亞》嘅蘇菲亞會面，仲可參與復活節特備節目。除咗睇嘢同玩樂，「食買玩」當然唔少得用餐方面優惠。門票即日起至2月2日發售，所有香港身份證持有人都可享用，詳情可到香港迪士尼官網睇睇。