李國章最終都獲特首梁振英委任為港大校委會主席，連「十優狀元」港姐冠軍麥明詩（Louisa）都睇唔過眼咁噃，喺Instagram若有所指。
Louisa前日喺一個大學期間參與過嘅學生會25周年晚會，見到前首席法官李國能，佢同李官來個合照（圖）並po上ig，仲話「非常尊敬他」，兼整個hashtag「#此李不同彼李」；「彼李」係咪指李國章？唔使多講啦！Louisa引述李國能喺分享時話，2047年香港點樣走落去，必須早於2030年代就有共識。Louisa話，2030年代正係佢呢班年輕人事業嘅巔𥧌，「決定香港前路問題的責任，正正就落在我們肩膊上，各位年輕人，加油吧」，唔知佢又會點樣貢獻？