今年第一間敲鑼上市嘅公司係本地珠寶製造商保發（3326），最吸睛嘅，係主席簡健光（中）與執董石美珍（右）嘅掌上明珠！主席千金陪住父母出席上市儀式嘅打扮，只係簡單一條頸鏈、戒指，低調而莊重。翻閱保發招股書，簡氏夫婦嘅寶貝女唔係董事會或管理層。如果佢喺公司幫手，可以順便做埋生招牌喇，若然負責投資者關係嘅話，應該都吸引好多投資者或分析員查詢。