隔牆有耳：
阿Paul死頂10kg頭盔 - 李八方

立法會18位議員噚日做「鴨仔團」參觀警察總部，了解爆炸品處理課點運作，仲有引爆土製炸彈示範，警察出動拆彈機械人引爆炸彈，嚇到議員個心離一離。

警方仲介紹一套35公斤重嘅第9代防爆衣，話拆彈專家着住佢，就算有3公斤爆炸品喺3米範圍引爆，專家都可以生存，不過隻手就難保喇。睇完示範，謝偉俊Paul除低大褸試着防爆衣，兼戴埋成10公斤重嘅防爆頭盔，加埋有成個人咁重，卿姐係咁叫阿Paul唔好死頂，結果阿Paul真係着上身唔夠幾分鐘就除番。警方仲展示多款歷來喺香港搵到嘅戰時遺留手榴彈同空投炸彈，有實物亦有複製品。葛博士、李卓人同慢必等唔怕死，將炸彈、手榴彈等攞上手研究一番。