今夏有機會由蘇冠升上蘇超嘅格拉斯哥流浪，日前同身高六呎五吋嘅波蘭門將高斯湯斯基簽約六個月。齋睇外表，呢個27歲球員冇乜特別，但原來係天使同魔鬼嘅混合體。喺2010年佢為咗繼承父業，毅然轉行做漁民，仲做咗成年。另外，佢試過喺餐廳門口同人鬧交之後，癲到走上樓，喺個露台度掟個菠蘿落街。對於加盟格流，佢好開心咁話：「格流係一間歷史悠久嘅大會，希望我可以為球隊帶來貢獻啦。」