波圖踏入2016年即被破身。上周六他們作客到士砵亭（圖）進行葡超榜首大戰，結果喺上下半場被主隊前鋒施利文尼射破波圖門將卡斯拿斯的大門而輸0:2，聯賽30場不敗走勢終於斷纜。波圖對上一次聯賽輸波係上年一月，當時作客不敵馬里迪莫0:1；而士砵亭就延續主場不敗走勢至24場，認真厲害。士砵亭贏波後以15戰得38分排榜首，比第二位嘅波圖同埋第三位嘅賓菲加分別多兩分同四分。士砵亭教練佐治捷西斯賽後表示：「我哋𠵱家排榜首，家陣要做嘅事，就係要學吓點守住個榜首位。」