渣打馬拉松月中舉行，已經連續8年派員參加渣馬10公里賽紀律部隊盃嘅懲教署長跑隊，今年派出逾40人參與唔同嘅賽事。
號稱香港超馬之王嘅懲教主任林家禧，喺2015年東吳國際馬拉松24小時賽，跑出231.4公里佳績，刷新香港超馬紀錄，又贏咗濟州超級馬拉松200公里賽全場冠軍。囝囝林源山雖然4歲，但由於易分心，林爸爸開始同囝囝跑越野賽，訓練專注（圖）。
另一位懲教主任姚國輝長跑年資成20年，愛女姚倩恩3年前開始一齊練跑。倩恩話細個覺得爸爸好惡，好少傾偈，𠵱家反而多話題，舊年父女檔參加「喜愛夜跑」，佢太熱想放棄，原本跑走咗嘅姚爸爸，慢慢溜後陪伴身邊打氣，勁sweet！