家陣同太太碧琪莉喺杜拜度蜜月嘅前車路士及英格蘭國腳中場林柏特（圖右），睇嚟好有潛質守龍門。呢位紐約城中場帶埋老婆同埋兩個女去當地名店Cold Stone Creamery食雪糕，期間仲一展身手，輕鬆用紙杯接住店員離遠掟出嚟嘅雪糕球，而且仲舉起左手慶祝自己接雪糕球成功。37歲嘅林伯喺1月22日就要返紐約城，備戰三月展開嘅新季美職聯；唔知紐約城新任教練韋根會唔會考慮畀林伯喺新球季改打龍門呢？