中環在線:開會遲到被四太趕出會議室 - 李華華

中環在線:開會遲到
被四太趕出會議室 - 李華華

何超盈跟母親「四太」梁安琪一樣,說話直率爽朗,跟佢傾偈算係賞心樂事;而且,相約兩次見面,佢都準時或提早出現。佢自爆,有次上媽媽公司開會遲到(佢聲稱只係遲咗少少),佢一行入會議室,四太就當住其他同事面前,叫佢行番出去唔使開會,可見四太對女兒都幾嚴厲。
佢話,「媽媽有時食食吓飯,都會話番我今日有乜嘢做得唔啱」。四太又不時提醒佢,想成功嘅話,朝九晚五工作係唔夠嘅。佢𠵱家除咗負責保利澳門拍賣,亦喺媽媽嘅私人公司幫手,佢跟其他同事一樣,有投資建議,就要做好PowerPoint,排隊向媽媽sell橋,好多時都輸畀同事,俾媽媽批評佢嘅建議唔實際。
對於佢經常出現喺娛樂版,讓人感覺遊戲人間,佢答得坦白:「我一出世就喺娛樂版,我冇得揀!」佢以前唔鍾意,長大後反而懂得轉個方向諗,用喺娛樂版嘅知名度去交朋結友做生意。
新年伊始,希望佢繼續認真努力工作喇。

母親梁安琪(左)喺工作上,對何超盈都幾嚴厲。 資料圖片