兩年前以市區極罕新樓為賣點嘅灣仔囍滙，吸引唔少名人入市，家陣入伙先兩個零月，有啲名人業主睇到樓市轉勢，就算面對辣招鎖住，都將單位放賣，希望套現走貨。
代理話，囍滙有近10個放盤，有個1座高層單位，實用991方呎，叫價3,500萬元，較買入價叫高近四成，如果成功沽出，扣番稅款，賺逾600萬元。睇番土地註冊處資料，業主是王守業（Wong Shou Yeh David），與大新銀行（2356）主席同名同姓。
其他演藝界名人業主似乎好淡定，暫時只租不賣，堅係睇長線咁，以藝人蔡少芬、王馨平個開放式單位為例，當初放租叫價堅離地，分別叫2.5萬元同2.9萬元，家陣樓盤湧現幾百個租盤，面對現實減價，分別叫租1.9萬元同2萬元。
不過，聽講同座中層及低層都係租緊1.6萬元至1.7萬元，可能仲有調整空間喎。