港台節目《我係乜乜乜》，噚晚搵嚟游學修同埋劉鳴煒，做一個「男神測試」。簡單講吓個玩法，係兩人匿喺白幕後唔見樣，請一班香港女仔（港女也）去問兩人價值觀問題，然後叫班港女，去揀佢哋認為較吸引嘅一個。一開初未見樣，大部分人都會喺游學修嗰邊。
不過當白幕一開，神奇嘅事就發生了！一時間好多人口風轉晒，大讚劉鳴煒成熟、對眼好靚、其中一個港女就話：「成個Package都係佢好」。唔係鼓吹大家要做港女睇錢揀老公，不過或者大家可能會想知到底劉鳴煒個Package係點。
劉鳴煒，現年35歲，香港華人置業（127）主席，為劉鑾雄及其已故原配寶詠琴的長子。2001年與同學Wendy於英國結婚，育有一對龍鳳胎，2010年末兩人離婚。
學歷：倫敦國王學院法律學士學位、倫敦經濟及政治科學學院法律碩士學位、倫敦國王學院法律哲學博士學位
工作履歷：曾於倫敦高盛及Longview Partners任職
專業資格：紐約州註冊律師、特許財務分析師（CFA）
身家：根據早前《壹周刊》報道，其於公開渠道獲得之寶詠琴遺囑，估算劉鳴煒獲分得4億元，而此銀碼只是劉鳴煒的「起跑線」。另外，2014年全年獲華人置業袍金及薪酬1243.9萬元。
公職：青年事務委員會主席、扶貧委員會委員、策略發展委員會委員、海洋公園公司董事局副主席、城大校董會成員、四川省政協委員等。
嗜好：三項鐵人的愛好者，最近於Facebook上載自己在零下十四度跑半馬。
考古：
曾為華人置業旗下公司金匡（前上市編號為286）。2007年股市大旺，公司盡沽物業，只持現金變殼股，劉鳴煒空降任主席，市場憧憬公司變身大炒，爆升22倍。惟他上任三個月後宣佈辭職，指要「投入更多時間履行華人置業執行董事的職務」，股價因而暴跌，同時公佈配售1.2億股。同年劉鳴煒以2100萬買入大坑豪園2700呎豪宅。
去年4月呼籲月入1.5萬元年青人「犧牲」，勸他們「睇少啲戲、去少啲日本，每月儲三千元作首期」買樓。