自從梁振英上任特首之後，老人家亦要為下一代上街抗爭。好似佔領期間企喺最前嘅大、細黃伯，連出戰立法會新界東補選嘅公民黨楊岳橋噚日喺大圍造勢，佢哋都有現身支持呢位和平佔中嘅義務律師，細黃伯仲大爆官仔骨骨嘅岳少，講起粗口上來好流利㗎喎。細黃伯自言一定全力撐岳少，大爆有次泛民人士被告上法庭，當時大家嘅判斷係似乎唔多有利，有人即場爆粗，卻俾岳少喝止，話呢度係法庭唔係屋企，唔可以亂講粗口，「佢（楊）直述支持者講啲粗口，我聽到耳都側埋，咁流利嘅呢啲讀番書嘅人」。