香港遍地廢膠，八方講嘅只係膠類物品箒！塑膠垃圾好難分解，膠樽約需450年、樽上膠圈則要400年，好多膠類垃圾更會跌入海洋，令海洋生態受影響。
香港科學館舉行嘅「海洋怒吼──塑膠垃圾關注計劃」專題展覽，由名為「海洋的惡夢」嘅兩米高垃圾大山喺入口「迎賓」。展品由瑞士蘇黎世設計博物館借出，由北大西洋、夏威夷、波羅的海等沙灘收集嘅海洋塑膠垃圾，包括廢棄輪胎、水泡、塑膠桶、牙刷等組成。
牙刷膠樽難分解
場內名為「未來考古學」嘅作品則以未來世界為主題，講述牙刷膠樽點樣難以分解；同場仲有本港學生製作嘅藝術裝置，材料係校園同環保園收集嘅垃圾，好似北角協同中學學生嘅作品「釣魚翁」，塊臉係塑膠樽，頭髮係廢棄橫額，手腳用欄杆砌成。隊友何慧莹話魚翁釣到嘅魚半吞膠樽，係想引發大家思考海中魚食咗垃圾，咁我哋釣魚食，即係食番自己嘅垃圾。