張敬軒昨日在馬鞍山舉行新碟《Felix》簽唱會，獲粉絲送贈花束、蠟燭及紙製品，他笑說：「咦？差個相框喎！不過我百無禁忌。」大會又安排男粉絲向軒仔示愛兼碰杯，軒仔再笑說：「乜個活動啱啱開始就基味咁濃。」事後他大讚粉絲說：「啲fans好窩心，三寶齊晒，不過呢啲都係心意，百無禁忌。」
軒仔今年已成三料歌王，問他可有信心連奪四台男歌手獎？他說：「我驚會小相公，想食糊，不過歌曲獎有信心，個人獎就隨緣。」他大讚吳業坤的歌在網上點擊逾數百萬，軒仔自嘲：「我首國語歌儲咗4年，先有400幾萬點擊，加埋瓊姐、健吾呢啲網絡紅人幫佢拉票。」
採訪：盧妹
攝影：沈健程