雖然聖誕、元旦假已經放完，但都有人仲放緊大假，好似之前幫民主黨搞區選嘅李永達，放咗自己一個悠長假期，仲要去到南極咁遠搵企鵝叉電（圖）。高達話呀，呢次佢喺南極除咗睇到冰川同海上冰山，又見到海豹同殺人鯨，最震撼係見到成千上萬嘅企鵝，佢𠵱家可以做證人，證明企鵝真係喺南極，唔係喺北極！除咗睇風景，高達仲不忘喺南極撐開把黃傘影相留念，將傘運精神帶到去南極！高達已轉戰阿根廷，留多幾日先返港。