上周六上演兩場澳職聯賽，幾支前列分子都有份亮相。布里斯班獅吼主場迎戰賽前連續四戰不敗嘅珀斯光輝，由占美麥卡倫（左二）同軒歷基安達迪各建一功，雖然之後俾對手追番球，但最終力保2:1勝局，全取三分之後同西悉尼流浪者同得27分，獅吼以入波較多暫時升上榜首。之後由分別排第三、四位嘅墨爾本城同FC悉尼交手，墨城兩度領先下都搞唔掂，踢成2:2平手。