【跑馬地→將軍澳】單身嘅周麗淇（Niki）前晚7點幾一個人揸住架白色瑪莎拉蒂喺跑馬地現身，冇幾耐見到一個潮男一支箭咁上咗Niki架車，佢哋向住九龍方面進發，不過途中Niki好似發覺有人跟車，見佢成日cut線，加上車速又時快時慢，仲見佢不時贒住個倒後鏡。
最後Niki揸咗架車去將軍澳天晉，可能佢兩個都唔係住客，所以架車停咗喺閘口一段時間，Niki見到記者都揮吓手笑住任影，反而佢身旁嘅潮男初初用手遮實塊面，其後就索性放低手俾人影。聽講呢個潮男唔係Niki新歡，只係品牌公關。
採訪、攝影：徐錦池、畢紹基