效力皇家馬德里嘅葡萄牙球星基斯坦奴朗拿度（C朗），佢好波就係不爭嘅事實，至於有冇品味就見仁見智嘞。前晚佢同皇馬隊友賓施馬等喺摩洛哥慶祝新年，但佢嗰個白西裝look認真唔掂，真係幾娘吓。雖則C朗佢冇乜衣着品味，不過就相當孝順，喺大除夕送咗部白色波子畀佢阿媽（左）做生日禮物。C朗媽仲開心到將自己同架波子嘅合照掟上社交網，但話晒波子都唔易揸，唔知佢喺揸之前有冇去上堂惡補吓先呢？