喺2014年幫德國捧走世界盃嘅舒賀爾尼前晚除咗慶祝新年，仲喺呢一日同女友蒙坦娜求婚成功。呢位家陣效力禾夫斯堡嘅前利華古遜同車路士翼鋒，將佢未來老婆戴上鑽石戒指嘅相片上載至社交網站，側邊仲寫「佢話『我願意』。」舒賀爾尼喺2015年發展麻麻，年頭以2,200萬鎊由車仔轉投禾堡後，上陣機會雖然多咗，但就踢唔出本身最高水準。家陣佢喺大除夕求婚成功，希望佢可以轉運啦。