去咗美國旅行嘅莫乃光，早前喺fb留言質疑，話如果市民因fb被入侵去報警，「你估警察會否叫你算啦、走吧？」莫認為警方受理梁振英就fb被入侵而報案係低級錯誤，係另一次「超然」典範。
遠在大陸武漢市嘅新聞統籌專員IC馮煒光，噚日喺fb炮轟莫乃光「縱容黑客」，仲話係有人用一張「改圖」去屈特首，質疑「全香港多少個CY，俊仁、卓人、智英都叫CY」。相信因為時差關係，莫乃光噚日未見回應，反而身在台灣旅行嘅白鴿黨員柴文瀚，就同IC打筆戰，由CY add女講到IC內地「翻牆」上fb，以及佢不能入境澳門等問題，似乎大家放假去旅行最鍾意玩嘅都係fb。