有女版阿Bob之稱嘅肥妹諧星渡邊直美，近年走紅日本演藝界，更威到來港拍劇搵食。由於渡邊直美形象搞笑，所以深受日本觀眾歡迎，Instagram公佈2015年度日本名人、明星ig排行榜，結果渡邊直美獲得兩個冠軍，包括最多追隨者及相片得到最多like，被封係200磅嘅ig女神。
渡邊直美人氣爆燈，二百幾磅嘅佢呻過搵唔到另一半，雖然曾用交友應用程式tinder四出獵食，但係渡邊直美只係得印度男士市場，佢講過話驚自己遲早嫁唔去。日前渡邊直美就於ig表示鍾情美國型男模特兒Max Emerson，話擁有肌肉又有型嘅Max係佢嘅夢中情人，仲好大膽咁主動透過網絡留言話想同Max抱抱，點知Max收到之後先用日文多謝渡邊直美，仲話下次去日本要搵渡邊直美見面。
可惜神女有心，Max其實早已有個固定男友，更一早出櫃，不時於ig上載親密合照，今次渡邊直美又食白果！