麥當勞於元旦日再次推出「全日有早餐食」，限時至今日凌晨3時59分，並新增「廚師套餐」。廣告片段話「新一年，由新滋味開始」，但一眾網民試食新餐後高呼「1月1號搵啲咁嘅嘢嚟搞﹗」、「人總要中下伏嘅」。《蘋果》記者在調景嶺彩明商場麥當勞購餐，新餐售價$27.8，記者一揭開紙盒，果然發現「理想與現實」相差甚遠。
「廚師早餐」賣點為新增厚多士及茄汁豆，與廣告中有出入是預計之內，多士是否夠厚見仁見智，記者發現三角形的白麵包其中一邊為毫無烘過的痕跡，另一邊只有部分輕微烘過，按下去軟綿綿；炒蛋蛋白及蛋黃猶如分開煎，有別於過往的麥記炒蛋；至於火腿煙肉只有3亳米厚，完全無煎過的痕跡，吃下去猶如「白烚」。不少網民對新餐給予負評，指多士「硬過人字拖」、「睇過兩片腸就知伏」、「後悔無聽巴打講食扭扭粉」。
未知是否「全日早餐」太受歡迎，記者購買「廚師套餐」時發現安排頗混亂，記者由約1時15分排至1時22分方成功落單，眼見在場不少顧客也點了此新餐，約1時40分便於顯示屏見到叫餐號碼，但櫃台仍未見有餐可取，情況混亂，不少顧客高呼「等咗三個字」、「等咗半個鐘」，最終記者在約1時55分才成功取餐，由排隊等買餐至成功取餐，足足等了40分鐘。
麥當勞表示，元旦日全日早餐的推廣活動反應較預期熱烈，以致個別產品質素、服務速度及換領Snoopy公仔的安排未如理想，為顧客帶來不便致歉。
【網民點睇】
麥提爽：食緊，垃圾。後悔無聽巴打講食扭扭粉
人生首抽輸家：岩岩（啱啱）食完，同食屎冇分別
帝皇五寶飯：睇過兩片腸就知伏
誓要入UGC：仲要收成30蚊，唉心諗點解咁傻唔去買個珍寶
Mia_Khalifa：果幾塊整都唔使點整既垃圾拼埋一齊就收你30蚊
網民一個：塊煙肉係咪煙肉蛋漢堡入面個塊？咁貴，我食返至尊漢堡好過
ky454：製作無難度，食完仲要唔飽
關東煮小王子：想穩陣板燒雞腿扭扭粉就最好
ManHo Cheung：腿蛋治都好過佢
Mickey Chan：今日我食左，比個伏佢
Wenkie Koo：麥記表示「廣告圖片只供參考」