葡萄牙傳媒爆料，指基斯坦奴朗拿度（C朗）喺聖誕飛去美國，唔止睇NBA咁簡單，仲係去準備「造人」計劃。葡媒話C朗𠵱家單身，喺聖誕呢啲一家人一齊過嘅節日，竟然扔低阿媽同個仔，一支公飛咗去美國，相當可疑；葡媒咁講：「大家記唔記得C朗囝囝喺邊度出世？就係邁阿密。C朗一直都話想生多幾個小朋友，所以佢去邁阿密，係計劃生多個。」已身在摩洛哥過新年嘅C朗喺周三西甲梅開二度，幫皇家馬德里喺歇冬後首仗主場贏皇家蘇斯達3:1。至於巴塞隆拿就有美斯第500次為球會上陣兼建功，主場大勝貝迪斯4:0；蘇亞雷斯就梅開二度，以15球升上西甲射手榜首。