名媛趙曾學韞前晚於灣仔君悅酒店舉行71歲生日派對，林文龍、郭可盈和囡囡及關之琳生意拍檔Helen都是座上客，趙曾學韞今年生日願望是世界和平，家庭幸福健康、子孫孝順，又指今年最特別生日禮物是多添了一個外孫女。
郭可盈、林文龍囡囡快將6歲生日，問會否為囡囡搞百萬生日會，林文龍說：「唔好咁誇張，細路仔唔好focus喺錢度，希望佢享受童年。」早前熊黛林（Lynn）融入郭家一齊去沖繩旅行，問可盈可有順道提二人婚事？她說：「未咁快，去旅行好開心，冇傾乜嘢重要嘢，最緊要佢哋相處開心。」
採訪：王連連
攝影：陳順禎