十二生肖中，猴子本性機智聰敏靈活好動；送羊迎猴，馬騮郵票都應節出爐！
香港郵政宣佈，以「歲次丙申（猴年）」為題嘅一套特別郵票及相關集郵品將於本月16日推出發售。一套四款嘅特別郵票（上圖）同郵票小型張（下圖），會展示多款以猴子為題嘅當代及傳統工藝品，背景襯上各種吉祥植物圖案；同時推出嘅絲綢郵票小型張，猴子會襯上蟠桃同桃花圖案，寄意添福添壽。除咗郵票，香港郵政亦推出猴年利是封，展現四枚猴年郵票。集郵迷想入貨，可到 http://www.hongkongpost.hk 網頁睇睇。
