23歲嘅希花屈臣（右）喺周二就去到澳洲，準備參加喺珀斯舉行嘅賀文盃。不過呢位世界排名第55位嘅英國網球手，喺周三就畀自己放咗日假，同朋友去咗澳洲著名景點黃金海岸；而且佢都玩得好開心，仲影咗張相放上社交網站，大嗌「我愛澳洲」㖭。不過希花屈臣享受完陽光與海灘之後，都應該好忙，因為佢喺下周一就要夥拍梅禮出戰賀文盃，而澳網亦都喺18號就會開始舉行。