隔牆有耳:卿姐告別議會 深入監獄 - 李八方

隔牆有耳:
卿姐告別議會 深入監獄 - 李八方

循新界東直選晉身立法會嘅民主黨主席劉慧卿,未有報名參與黨內嘅新一屆立法會內部甄選,意味佢明年唔會爭取連任立法會,為1991年起嘅議會之路畫上句號。
而喺人人都想訪問佢心路歷程之際,卿姐卻封口喎,決定喺今日嘅茶敍上先回應有乜打算,反而噚日大除夕,一朝早入咗「監獄」,度過特別嘅一日。
查實卿姐係應三個在囚人士嘅要求,喺上年最後一日去咗赤柱監獄探佢哋、聽訴求啫,之後卿姐仲喺fb上載同懲教事務監督胡文偉先生嘅合照(圖)。唔需要再為議席煩惱嘅佢,似乎都幾逍遙自在喎。