何佩瑜（Jeana）前排約埋一班老友去峇里旅行，Jeana話唔知自己前世係咪一條魚，所以見到海就會發晒癲，所以呢次峇里之旅，基本上朝早起身掹大對眼，佢就嗱嗱臨走去泳池游水，搞到佢啲朋友都忍唔住笑佢使唔使咁瘋狂！
養眼美人魚
唔知Jeana係咪同班老友柴娃娃一齊玩潛水玩上癮，之後喺泳池又繼續玩潛水，不過因為設備唔係好夠，所以只可以玩浮潛，但係有咗上次嘅經驗，所以呢次睇落有板有眼，霎眼睇落有啲似條美人魚，佢心口個W仲好養眼㖭！
噚日Jeana同馮仁昭傾開偈，似乎佢仲係好回味峇里之旅，可能呢排香港天氣凍凍地，好難去游水，唔知Jeana有冇試過裸泳，享受回歸大自然嘅感覺呢？佢笑住話：「我真係未試過，但係我又覺得冇必要試，啲泳衣咁靚，使乜裸泳呀！不過我真係諗住考番個潛水牌，遲啲會搵Hidy（余曉彤）請教吓！」之後佢仲講到2016年嘅大計，Jeana話：「我會繼續專注喺電影，希望可以接多啲唔同嘅角色，仲諗住試吓自己寫劇本。」
撰文：馮仁昭