37歲嘅拜恩（Kobe Bryant、右二）喺周三，最後一次以湖人球員嘅身份作客波士頓。雖然湖人同塞爾特人係宿敵，但拜恩就憑表現折服塞爾特人。綠衫軍喺賽前向呢位傳奇球星送上一份特別嘅告別禮物－TD公園球場嘅地板！禮物上仲寫住：「呢份禮物係對你喺呢個球場上表現嘅認可。」而今場正選上陣嘅拜恩似乎都唔想輸畀宿敵，拎到雙雙15分11籃板，幫湖人以112:104險勝。