中超勝在土豪多，好多隊都出得起錢，除咗出晒名嘅廣州恒大之外，今季中超亞軍上海上港醞釀緊一筆重磅收購，據《新浪》同《騰訊》等內地傳媒講，上港最想收購前曼聯同阿仙奴射手、踢緊費倫巴治嘅尹佩斯（圖），佢呢幾日就同屋企人去咗杜拜度假，參觀動物園，仲抱住隻馬騮仔影相。除咗尹佩斯，上港近一個月同過卡卡、朗尼等巨星都傳過緋聞。至於老牌球會北京國安就諗住換帥，據意大利傳媒披露，國安會同名帥沙哲朗尼簽約兩年，但官方暫未宣佈。沙哲朗尼教過米蘭雙雄同祖雲達斯，前幾年就教日本國家隊。