2015年最後一場英超，利物浦作客新特蘭，又係靠賓迪基一箭定江山，由呢位比利時中鋒建功以1:0贏波。領隊高路普賽後話球隊贏得實至名歸，但就係好唔滿意對手踢法粗野，復出冇耐嘅馬馬度沙高喺完場前被謝明蘭斯踢到飛起；而中場佐敦軒達臣更喺較早之前因為足踝受傷退下火線。紅軍連取六分之後追到同第六位嘅曼聯同得30分，佢哋好快就喺周六英超早場再亮相作客韋斯咸，希望到時兩大主力趕得切可以候命。