梁特喺fb外交日本AV女優兼內交台灣美女，震驚全港，特首辦話係被hack所致，但有網民發現早喺去年11月底，梁特已add咗人喎。負責管理梁特fb嘅新聞統籌專員IC馮煒光喺自己fb發帖堅稱有人「改圖來屈特首」，「若11月便有發現，會等到今天？」
而AV事件主角之一嘅日本AV女優「篠原ゆきの」，除咗喺Twitter轉載Yahoo網站相關新聞連結，仲剖白同CY嘅短暫網上「友誼」（圖）：「在Yahoo News看見我的名字，（笑容圖案），年尾發生了一件不可思議的事，（汗顏圖案），如果是一單更好的事上報就好，（汗顏圖案）」。最後仲貼埋CY張相！香港特首相片出現喺AV女優Twitter？呢個更加不可思議！