【本報訊】清潔工人到內地求岳父代說好話，盼離家出走半年的內地妻子回心轉意，他竟將6歲女兒獨留在家，社工家訪揭發屋內滿佈垃圾，上身赤裸的女童輕微發燒。現與妻子和好如初的他承認虐兒罪，裁判官昨多次拍枱斥責他「離晒譜」及質問他「有冇腦」，「搵得老婆返嚟，個女死咗點算」，最終判他感化12個月。
記者：戴國輝
姓黃被告（39歲）娶內地女子為妻，妻子持單程證來港，但約半年前失去聯絡。社署去年10月26日收到轉介信，指被告與女兒同住，社工兩日後到被告筲箕灣住所家訪，發現女童上半身赤裸，僅穿短褲，衞生狀況惡劣，住所滿佈垃圾，遂將她送院，發現她輕微發燒。被告同日晚回港，入境處證實他當日離境約兩小時。事主已出院，現由社署監管，暫住保良局。
「搵得老婆，個女死咗點算」
案件昨在東區裁判法院判刑，裁判官溫紹明在當值律師求情前已斥被告「離晒譜」，直指閱畢案情撮要想撕掉它，質問被告「點做得出」。辯方指被告與妻子和好如初，妻子現身法庭支持，並證明被告從沒責打女兒。辯方希望判感化令，令被告能改善夫婦關係及與女兒相處技巧。
辯方指被告很痛錫女兒，裁判官回應「好難相信」，並開始拍枱指摘被告：「你有冇腦？智商有問題？……搵老婆搵到可以撇低個女幾日，以為個女係天才？可以自己照顧自己？佢得6歲！唔係16歲！你點忍心咁對佢？」溫官續稱：「搵得老婆返嚟，個女死咗點算？小朋友爬窗跌死，有冇聽過？」被告不斷點頭回應，溫官繼續斥責他：「你老婆有手有腳可以再走，下次走遠啲，你拋低個女一個禮拜？搵老婆大晒？你識唔識分輕重？」
溫官警告被告若再將女兒獨留在家，會判他入獄，「畀個女入保良局，佢可以有衫着，有人照顧，好過畀你！」他指被告妻子同樣有責任：「你走之前睇睇被告有冇能力照顧個女，告埋你都得！」溫官最終判被告感化12個月，又叮囑被告夫婦如果再有問題，須向感化主任求助。
案件編號：ESCC3589/15