趣趣地:哥利摩亞奇招救維拉

趣趣地:哥利摩亞奇招救維拉

經過19輪英超聯賽之後,阿士東維拉只係得一勝五和嘅劣績,𠵱家以八分排喺榜尾,如果下半季冇任何改善嘅話,都好大機會降班。曾經效力過維拉三季嘅英格蘭射手哥利摩亞都睇唔過眼,周二喺twitter列出咗12條計仔畀維拉,其中吸引多啲球迷入場打氣,同埋每年提升青年軍新血入一隊都算正常嘅諗法;但最語出驚人係,佢竟然提議炒晒全隊球員,喺一月買啲英冠球員返嚟,睇嚟似係為降班做準備喎!