有「變性連詩雅」之稱嘅日本藝人佐藤佳代，雖然曾經係男兒身，但佢擁有可愛樣貌冧掂東洋宅男，今年登上成人雜誌《週刊Playboy》拍攝性感寫真即驚為天人，令佐藤佳代吸納更多麻甩佬粉絲。
佐藤佳代喺圈中有唔少好姐妹，當中包括AKB48成員小嶋陽菜、峯岸南，同埋已離隊嘅大島優子，為慶祝佳代剛於Boxing Day度過嘅27歲生日，一班好姐妹前晚同佳代開P補祝牛一，佳代之後都有喺ig上載合照，又多謝幾位好友，佢哋嘅合照於網上公開後，網民大讚佳代外型一啲都唔輸蝕，不過亦有人指佳代始終係變性人，某啲角度睇落唔難發現佢係「偽娘」嘅真身。