收到最討厭的禮物，排頭位的是杯。贊成，又不是世界盃，當然爭唔落。第二位是相架。時下潮人新常態是手機搞掂晒，照片放iCloud，相架要來做什麼？喔，紀念仙人囉，幾唔吉利哩你說對不對。所以榮登第二位，無得平反。至於第三至第N位，持續發展，全心全意，你一定能揀中你最憎的禮物……噢不，是「廢物」（全寫是：比廢墩更廢的禮物！）
收到轆！媽的，建制派等埋發叔，集體甩轆，瘀爆全城。假如再收到轆，一定激到爆血管，搞出人命，鄉紳喪丁，以後點套？唔講得笑！
收到一張長枱！唉，主次有別，超級聯繫人從座次顯示，已經降級，從英超跌落中超，你懂的！收到長枱，記得放上fb，邀請梁凸俾like。
收到三十本書和雜誌。你別O嘴好不好，睇真些，全部是日文書和日本雜誌，好正！好靚！如果唔中意，考慮跟吳局長交換囉。不過要小心些，局長隨時誤當你是記者，打保安局局長內線拘押你（號碼正好是689，自己友放題任打！）