平安夜聖誕節再連住周末周日，參加完馬拉松式的派對之後，就算未重幾公斤都一定食到飽飽滯滯；過 2日又除夕新年啦，真係未回氣又可能再食過，怎麼辦﹖請教咗營養師黃榮俊，他說節日密密食後有幾點可以調節一下腸胃，仲醒咗個2日消滯餐單俾我，大家不妨參考下！
2日間之腸胃調整：
1. 不要進食太硬的食物，減少進食肉類及油炸食物。
2. 多吃高纖蔬菜如冬菇, 鮑魚菇,木耳, 紅蘿蔔及瓜類等幫助腸胃蠕動。
3. 吃菠蘿及木瓜，當中的天然蛋白酵素有助消化肉蛋白質，減少胃滯感；吃奇異果、蘋果及西柚，當中的豐富維他命C及纖維也能幫助消化脂肪。
4.飲山楂水，可去肥、消滯及開胃。
5. 用芡實、扁豆、紅棗或茯苓製成的湯水，對嚴重食滯有特別幫助。
2日消滯餐單:
Day 1
早餐：低脂乳酪1杯 + 香蕉1隻
午餐：木耳半碗 + 蒸雞柳2両+ 灼菜心1碟 + 白飯半碗 + 普洱茶2杯
晚餐：海帶豆腐黃豆湯連渣1碗 + 白飯半碗 + 蘋果連皮1個
Day 2
早餐：番茄烚蛋三文治1份 + 豆漿1杯
午餐：紅腰豆雜菜沙律1份 + 果醬多士1片 + 西柚汁1杯
晚餐：(粟米少許 + 瘦肉2兩)糙米粥1碗 + 灼生菜1碟（蠔油少許）+ 火龍果(細)
記者：容慧心