傘兵「西環三子」劉偉德、伍永德、葉錦龍，今屆區選雖然「光復」西環失敗，但不減佢哋服務西環街坊嘅熱誠。新一年，佢哋將聯同落選「正街」嘅乳鴿張啟昕、「西環變幻時」版主戴毅龍等人，將民主黨前區議員黃堅成嘅議員辦事處轉化為「西柚（即西環友）辦公室」（圖）。
據西環三子透露，呢個辦事處有別於傳統議辦，唔只單向提供服務，而係希望街坊同時都能擁有議辦，所以將實行會員制，期望三年之內，由會員選舉出「西柚辦公室」理事會。
西環三子又話，會將區選退回嘅6萬幾蚊經費捐出，作為西柚辦起動經費，街坊若要成為會員，只須每月交會費50元，或者出力幫手搞活動就得，期望半年內招募到250個會員，嚟緊亦會舉辦集思會。