已連續3年成為adidas代言人的劉心悠，日前為品牌拍攝跑鞋系列平面廣告，她坦言正積極備戰下月中舉行的馬拉松比賽：「11月開始，我參加咗adidas Boost Battle Run挑戰賽，加入咗其中一隊跑步團隊，能夠同唔同跑步愛好者一齊訓練，過程好難忘。其實跑步運動係講求個人意志同團隊精神，而且可以互相鼓勵同鞭策。」
對於第10次參與香港馬拉松10公里賽事，目標完成屬於自己的100公里，心悠坦言沒想過自己能夠堅持：「距離我實現跑足10次馬拉松賽事嘅願望近在咫尺，絕對係體現耐力同鬥志嘅鍛煉同磨練，我希望比賽當日能夠順利完成賽事。」
撰文：王梓嫚