每逢長假，公立醫院急症室都特別多「顧客」，醫護人員工作量亦大增。醫管局主席梁智仁趁噚日長假結束後首個上班日，喺代理行政總裁張偉麟醫生陪同下，先後去咗屯門醫院及瑪嘉烈醫院急症室，探望前線醫護同事（圖），為佢哋打氣之餘，順道了解聖誕長假期後嘅服務需求壓力，以及人手安排情況。
梁智仁話呀，非常感謝聖誕假期間「日以繼夜」緊守工作崗位嘅前線醫護人員，由此反映出，公共醫療體系喺社會上擔當嘅重要角色喎。
梁智仁亦補充，冬季流感高峯期將至，醫管局已經採取多項措施協助減輕前線同事壓力，希望市民體諒公立醫院預期會出現嘅擠逼情況，耐心等候，同時呼籲市民如果病況輕微，應該避免使用急症室。