【爆相爆片】鄧紫棋（G.E.M.）自從跟台灣舊愛林宥嘉分手，最近先後與賭王公子何猷啟及「巨聲幫」馮允謙傳緋聞，大前晚馮允謙出席新城頒獎禮慶功，否認跟G.E.M.拍拖，還自爆已有圈外女友，因為之前未穩定才不公開。雖然身邊少了一個觀音兵，但G.E.M.前日卻拖三男去溜冰，並被讀者白小姐「爆相爆片」捕獲。
嚇到舉手
白小姐昨日接受電話訪問，她說：「噚日5點幾，喺圓方溜冰場見到G.E.M.啱啱到，佢哋有三男兩女，G.E.M.嘅技術都唔錯，佢同着格仔領衫嘅男仔特別好傾，佢哋溜咗半個鐘就走，不過出閘遇到阻滯，要工作人員幫佢搞，G.E.M.走嘅時候有人搵佢合照。」
從白小姐提供的「爆相爆片」中，發現「觀音兵2號」牛仔褲男幾乎全程陪着G.E.M.，貼身傍到實獻殷勤，而化行妝的G.E.M.初時只顧低頭向前溜，忽然有小男孩在她的身邊超前，G.E.M.即刻減速並驚到雙手舉起，還拍心口定驚，其後牛仔褲男就在前面幫她開路，同行女子是前年國際中華小姐冠軍鄧佩儀。
據知牛仔褲男姓劉柏霖，洋名Alpha，現職會計師，曾參加無綫《超級巨聲》比賽，但首輪便被叮出局。Alpha一直恨做歌星入行，10年前與G.E.M.一起參加校際歌唱比賽而認識，08和09年他分別參加過英皇新秀歌唱比賽和《超級巨聲》，同樣以《聽海》出戰，但都是落敗收場。
昨日記者向G.E.M.求證是否拍拖？她透過短訊例牌否認：「唔係呀，只係一班朋友一齊去玩，五個人三男兩女一齊去。」
採訪：皓騫
