【本報訊】新同盟骨幹成員是民主黨前黨員，因為反對2010年的政改方案，與民主黨分歧而另起爐灶。任啟邦直言，民主黨會笑他們2011年出戰區選的10人全是民主黨前黨員：「用某啲大哥大姐嘅角度，等於民主黨贏，只係換咗個名堂；今次（2015年）我可以講係唔同，（參選新人）係我哋一手一腳湊出嚟！」
師徒制培訓新人
新同盟今屆區選派16人參選奪15席。任認為，有關選舉結果最大意義是他們的新生代抬頭，16人中僅7位是民主黨前黨員，「我哋湊到班人出嚟係未經其他政黨洗禮，（證明）我哋做到建立同培訓嘅工作。」他坦承培訓新人手法是承襲民主黨的師徒制：「比起民主黨年代，有啲係掛名嘅師傅，你排咗立法會議員做師傅，（其實）等於冇教你、唔得閒理你。我哋區議員較多，基本上係一個帶一個。」他的「徒弟」周炫瑋首次參選就將民建聯黃容根擊敗。
亮麗成績背後是嚴謹的精兵制，因資源緊絀，沒足夠勝算的寧願不出選，本身是新同盟司庫的任說，他們只得30多萬，一場區選幾近用盡，笑言：「九月最後睇條數，得幾萬。」
■記者陳雪玲