資深藝人鄺佐輝在本月20日因癌症病逝，終年59歲，昨日家人為他於土瓜灣母校鄧鏡波學校進教之佑堂進行彌撒出殯儀式。鄺佐輝靈柩在上午8時半由靈車移送到佑堂門外，神父帶領鄺的家人為靈柩禱告及灑上聖水等儀式，隨後靈柩移到堂內進行安所彌撒及辭靈禮。不少鄺佐輝生前好友亦有前往送別亡友，包括丁羽、施熙瑜、譚玉瑛及王俊棠等。
與鄺佐輝相識近30年的丁羽，談到與好友的相識經過，他感慨地說：「佢入TVB讀訓練班嗰陣時，我啱啱入去，嗰陣成立配音組，好多範疇佢都做過，雖然我同佢喺演藝生活冇乜大接觸，因為我做配音佢做主持，但喺公司入面經常碰面，有好多時間接觸，當時我覺得呢個後生仔做嘢務實、專業，又會好仔細研究點樣做好啲，佢係可造之才。」
遺體移送中大醫學院
丁羽續說：「兩、三年前喺電影公司大家合作多咗，真係估唔到佢咁後生就離開我哋。當佢發現症狀，大家都好擔心佢，但係佢反而安慰我哋，叫我哋唔使驚，神保佑佢，唔使為佢擔心，一切順其自然，佢有咁嘅心情面對病魔，好堅強。佢走得好快，嗰陣我啱啱返咗內地做嘢，冇機會見佢最後一面。」丁羽更眼紅紅地說：「鄺佐輝，你喺天國安息喇！」
儀式完成後，鄺佐輝的靈柩由靈車移送到香港中文大學醫學院，其遺體將作為醫學教育用途，鄺佐輝的女兒抱着爸爸的遺照，與太太隨靈車抵達醫學院，而親友亦乘旅遊巴抵達。
採訪：張俊銘
攝影：陳慧安
