【本報訊】性感女星黃榕（Gloria）居住火警單位對下數層的單位，事發時被母親叫醒走火警，驚見火舌飄至住所窗外，她感到害怕，但一邊走火警時，仍一邊拍相上載Instagram直擊報道，得知是「尿袋」惹的禍，她說：「我都要小心唔好亂用『尿袋』。」
《蘋果》記者昨致電黃榕，她憶述：「今（昨）朝7點鐘，媽咪叫我起身，出面響咗火警鐘，仲聞到有異味，我瞓廳嘅，打開窗仲見到啲火種跌緊落嚟，勁驚囉！立即執咗銀包、手機，同媽咪、阿妹同隻狗出門口，爸爸已經返咗工。我哋出到門口，見鄰居都跑緊，大家都落咗樓下。」她連忙取走錢包及手機，與家人落樓走火警：「我有兩個銀包，一個放港幣，一個放人民幣，我醒起冇拎人民幣嗰個，裏面仲放咗回鄉證，我後日要返內地登台，嗰刻惟有諗希望冇事。」警方解封後她才返家，發現家寓所門外水浸，幸好寓所沒有被火波及。
《蘋果》記者