於1958年創業的精神書局，面對當下貴得離譜的舖租，曾一度結業。最近，書局第三代傳人黃寶龍（Sam）決意重踏書中路，在石塘咀覓得新舖位重開。曾在《大時代》飾演少年版方展博的阿Sam，始終對西環這區充滿情意結：「呢度感覺同客人親密啲，呢啲人情味嘅嘢，好難喺其他區搵到。」
記者：趙永傑 攝影：吉吉、馮峰
書局由爺爺到爸爸那一代，再到自己接手管理，阿Sam沒有考慮太多傳承精神的元素，只是覺得自己有責任去捍衞這間書局。「一門生意經歷咗五十幾年，我都會盡我能力去一路保留住佢，唔想突然喺香港結業。」奈何香港地寸金尺土，租金昂貴，阿Sam既要保存書局的未來，也要面對財政上的壓力。「就算你想去創業，都未必夠交租；或者自己落手落腳去做，人工都未必出到。你點估到一條小街，橫街窄巷嘅舖，會升到11、12萬租呢？冇可能嘅！」
由找舖位開書店、到傾裝修、上門收二手書，Sam也是自己一腳踢，雖然很辛苦，但他坦言樂在其中，最重要是與街坊之間的人情味，是無價的。「我哋上次結業嗰時，有啲街坊買個蛋糕過嚟，大家一齊喺舖頭切嚟食。又有客留到凌晨3、4點，幫我哋上書上架。我會覺得喺西環可以開番舖，服務到番啲街坊，又圍到皮，已經足夠喇。」
現今已是電子科技新世代，網上電子書橫行，又要面對主流書局的壟斷，二手書局已買少見少；慶幸地，還有客人鍾情於書本拿在手上的質感。精神書局常客莫先生，就每星期都來店舖數次掃貨。「新一代嘅可能鍾意電子書，但我哋年紀大呢，覺得舊書有質感，摸起上嚟係一本書，個精神係一本書。古書始終要喺呢啲書局搵，香港冇幾多間喇。」
二手書店雖然式微，但難得有有心人希望將這精神傳承下去，大家何不騰出半點時間，重拾用手拿着書本的感覺，再細味咀嚼書中的文字？
精神書局地址：
西環石塘咀德輔道西408號後座地下（屈地街公園對面）
精神書局西環店facebook：
http://on.fb.me/1RFXP06