facebook（fb）創辦人朱克伯格認真大膽，明知香港有位教育局局長吳克儉月讀30本書，佢竟然夠膽喺fb話自己今年完成一個讀書嘅挑戰，就係成功每兩星期讀完一本書。
朱克伯格話，閱讀令佢可以用更多角度去睇不同問題，包括科學到宗教、政治到外交等，佢認為呢個讀書挑戰相當充實。佢份閱讀清單，包括科學、宗教、能源及政治等等，範疇甚廣。
佢今年睇嘅最後一本書係David Deutsch嘅《The Beginning of Infinity》。呢本書係從物理學、哲學、樂觀與客觀進化去分析世界觀。唔知吳局長有冇讀過呢本書呢？朱克伯格應該搵佢交流閱讀心得喇。