【本報訊】好景壞𨋢一個月，樓上逾400商戶叫苦連天，皆因生客、熟客都不願上門幫襯，有商戶指生意暴跌試過零收入，雖然平安夜重開一部客𨋢，但生意只是微升。為救亡，有商戶每日幾次「騰上騰落」送貨到港鐵站交貨，或集中網售；亦有商戶打定輸數，租約屆滿後覓地搬遷。
餐廳拒送外賣
在12樓賣韓國衫的阿Yan自認黑仔王，因為她上月才進駐好景，她指壞𨋢後顧客暴減，「日日食蛋，怕租都賺唔番！」壞𨋢前，她從韓國訂購50公斤衣物，速遞公司職員日前將衣物放在管理處，只有85磅的她「頂硬上」孭着貨物行上樓。可是梯間狹窄人多又放置垃圾桶，沿途要左閃右避，「想一鼓作氣都唔得，行一層，停一層」。
為留熟客，她索性落樓送貨，有次她帶波鞋到油麻地港鐵站交熟客，熟客讚她懂變通及賣力即時購下，並稱︰「我點行10幾層？佢唔拎落嚟我唔買啦！」之後阿Yan再行12層返舖頭，自言辛苦錢，賺得一分得一分。
說行樓梯的苦，在頂樓29樓設押花教室的謝小姐最有資格，她表示公司收入來自開班學費，但壞𨋢後無人上課零收入，她指上址經常壞𨋢「今次搞出人命，個心唔安樂」，決定明年滿約後搬遷。賣二手玩具陳先生指，多開一部升降機後客人微增，但只及平日三成，「Walk-in客少咗，惟有靠上網賣，每日行幾轉寄貨」。亦有商戶辭退兼職工，希望可以節流。
除生意不景，商戶亦「無啖好食」，因為壞𨋢後只有一間茶餐廳願意送外賣到好景樓上舖，而且只限10樓以下，外賣工為免等𨋢費時會行樓梯，但每層額外收一元附加費，例如10樓商戶變相加價10元，有商戶透露會於開舖前買定食物。
■記者金敏琍