【本報訊】鉛水聆訊涉及房屋署、水務署與四大承建商等10多個政府部門及私人企業，故律師團均精英大狀盡出，包括代表鉛水居民資深大律師李柱銘及擅長刑事案的資深大律師麥高義等，各人在庭上唇槍舌劍，如李柱銘批評房委會監管不力如同「食飽就瞓嘅貓」，委員會主席陳慶偉更不時加入「戰團」，曾將房委會主席張炳良問到「口啞啞」。
李柱銘在質問張炳良時，曾批評房委會單靠承建商自行遵守合約來保障食水安全是監管不力，比喻指：「如果隻貓見到老鼠就捉，老鼠梗係走；但如果貓食飽就瞓乜都唔做，老鼠梗係玩得開心。」但張炳良否認房委會是「食飽就瞓嘅貓」。陳慶偉更打趣說：「你係咪講緊我哋high court門口泊晒嗰啲車（違例泊車）？」
委員會主席屢駁官員
陳慶偉質問房署副署長馮宜萱時，馮認為工人不會為省錢甘冒高風險使用違規焊料，陳則反駁指，「即係搶嘢要坐監，好多人都知，不過都有人搶嘢㗎嘛」。
房委會代表律師殷志明又曾指，即使使用含鉛焊料，每名工人或只獲利數百元，誘因不大。陳慶偉反駁指數百元「對於閣下唔係好大數目」，但工人「可以買包叉燒返屋企加餸」，不排除工人借監管漏洞而使用含鉛焊料獲利。
■記者鍾雅宜